خـواطر زيــآد ..

أنت عندك القدرة على انك تضحك وتمزح وتكون طبيعي لكن ليش أنت من الداخل مدمر ليش أنت وحداني أدري انك تقدر تجذب الناس لك وتكون طريف لكن بالفعل أنت انسان يقولون الناس عنه هذا إنطوائي هذا مايحب يفتح قلبه للناس هذا كئيب هذا يفضل يعيش جو الحزن والألم !!

- وقف من اللي عطاك الحق أنت تحكم عليّ !؟

أو بالأصح متى سألتك عن حياتي !؟

لكن بما أنك فتحت الموضوع من حقي أقولك كل شيء ..

أنا ما أقدر أسوي مثل الناس ما أقدر أدافع عن نفسي ليس ضعف فيني !

لكن لأني ما أحب أخليهم بمكان محرج

ما أحب أعدد لهم أخطأهم

أدري لو اقابلك وأقول لك أنت سلبياتك كذا وكذا ..

احتمال “أخسرك”

أنا أحب أحسب حساب حق إحساسك

قبل لا أحسب حساس حق حسابي أنا !

إلى متى والواحد يخاف أنه يطلع بوجه جديد ، بشكل جديد ، بموهبة جديدة !

- أصلا تعودنا عليك عرفنا إذا زعلناك نجي بكل برود ونعتذر وتقول “لاعادي” !

عشان كذا جرحناك مرة ومرتين ..

تدرون إني أسامح ، تدرون إني ما أشيل بقلبي !

كم كبير يعرف يحقد ويرد الصاع صاعين !

كم كبير يعرف يبني من داخله هموم ومشاكل

وإذا جيت تكلمه بموضوع ، انفجر بوجهك وقال أنت بك وبك وبك ! ..

للمعلومية أقدر أسوي مثلك لكن أنا اخترت إني ما أقول

لأني لو أقول لك عيوبك كان فتحت بقلبك جرح ماتنساه ، يمكن أسسبب لك صدمة !

وتقول كل هذا فيني !؟

وتأكد أن سكوتي عشان الأمور الكبيرة اللي بيننا !

هذا أنا مستحيل أغير أسلوبي معك !

هذا إحساسي اللي أبوصله لك ..

وتأكد أنه خوف من أني “أخسرك”

لكن ما أقول إلا “لاتخلوني أتكلم “